Heimurinn á „nýju og hættulegu stigi“ faraldursins
Setja bókamerki
Alþjóðaheilbrigðismálastofnunin varar við því að heimurinn sé nú á nýju og hættulegi stigi kórónuveirufaraldursins þar sem fólk sé orðið þreytt á samkomutakmörkunum þrátt fyrir að útbreiðsla faraldursins eigi jafnvel enn eftir að ná hámarki.
Fram kom í dag að kórónuveiran hafi verið komin til Ítalíu í desember, löngu áður en talið var og raunar á svipuðum tíma og fregnir fóru að berast frá Kína.
Fleiri en 456 þúsund eru látnir af völdum veirunnar á heimsvísu og rúmar 8,5 milljónir hafa smitast, en faraldurinn er á uppleið í Ameríku og nokkrum stöðum í Asíu þrátt fyrir að víðast hvar í Evrópu séu stjórnvöld farin að aflétta eða a.m.k. huga að afléttingu takmarkana.
„Heimurinn er á nýju og hættulegu stigi. Margir eru skiljanlega orðnir þreyttir á að vera heima [...] en veiran er enn í hraðri útbreiðslu,“ segir Tedros Adhanom Ghebreyesus, framkvæmdastjóri Alþjóðaheilbrigðismálastofnunarinnar.
Þrátt fyrir að vísindamenn keppist nú við að þróa bóluefni gegn kórónuveirunni er ekki von á að slíkt verði komið í notkun fyrr en í fyrsta lagi seint á þessu ári.
Hótar Bretum og Bandaríkjamönnum
Hraunið við bílastæði Bláa lónsins
Mæðgur dæmdar til að greiða 64 milljónir
„Má segja að þetta gos hafi þjófstartað“
Drónamyndskeið frá hápunkti gossins í nótt
Hraunið náð Njarðvíkuræð: Fylgjast með raflínu
„Erum í miðri hrinu“: Styttist í Eldvörp
Hluti bílastæðis undir hraun: Ómögulegt að meta tjón