Ghislaine Maxwell handtekin af alríkislögreglunni
Setja bókamerki
Bandaríska alríkislögreglan, FBI, hefur handtekið Ghislaine Maxwell, fyrrverandi kærastu og samstarfskonu Jeffrey Epstein.
Samkvæmt BBC var Maxwell handtekin í New Hampshire vegna ákæra í tengslum við Epstein og teknar verða fyrir af alríkisdómstól síðar.
Maxwell hefur neitað því að hafa tekið þátt í eða vitað af meintum kynferðisbrotum Epstein, sem lést í fangelsi 10. ágúst á síðasta ári á meðan hann beið eftir réttarhöldum yfir sér. Andlát hans var úrskurðar sjálfsvíg.
Epstein var handtekinn í New York á síðasta ári og var sakaður um fjölda kynferðisbrota, meðal annars að hafa haldið úti mansalspýramída ungra stúlkna og kvenna og fjölda nauðgana.
Mörg fórnalamba Epstein hafa sagt að Maxwell hafi kynnt þær fyrir Epstein vitandi að brotið yrði á þeim kynferðislega.
Maxwell höfðaði mál gegn dánarbúi Epstein fyrr á þessu ári og ítrekaði að hún vissi ekki af kynferðisbrotum hans. Krefst hún bóta vegna lögfræðikostnaðar og kostnaðar vegna öryggismála sem hún hefur innt af hendi vegna tengsla sinna við Epstein.
Hentugt gos fyrst gýs á annað borð
Hraun kemur úr þremur gígum: Virknin stöðug
Þarf að koma til móts við ólíkar þarfir lækna
Viðræður ekkert þokast frá því á þriðjudag
Sólveig Anna furðar sig á aðferðum kennara
Reiðubúin að aflýsa verkföllum í fjórum leikskólum
Rússar sagðir útvega N-Kóreu milljón olíutunnur