Spánn er nú í brennidepli í tengslum við áhyggjur af annarri bylgju kórónuveirunnar í Evrópu, en þar hafa stjórnvöld gripið til aðgerða til að hefta útbreiðslu kórónuveirufaraldursins að nýju.

Í Katalóníu hefur allt skemmtanalíf verið sett á ís í tvær vikur, en það eru fleiri borgir en Barcelóna þar sem smitum fer fjölgandi.

Frétt af mbl.is

Norðmenn heim frá Spáni fyrir miðnætti

Önnur Evrópulönd hafa jafnframt gripið til aðgerða vegna fjölgunar smita á Spáni, en í Bretlandi þurfa allir að fara í sóttkví við heimkomuna frá Spáni, líkt og í Noregi, og Frakkar hafa verið varaðir við ferðalögum til Spánar.

Smitum er einnig að fjölga á ný í Frakklandi og Þýskalandi, þar sem stjórnvöld reyna að finna jafnvægi þess að hefta útbreiðslu veirunnar og koma efnahagslífinu aftur af stað.

Staðan í Evrópu er þó góð miðað við annars staðar í heiminum, en nýgengi smita á heimsvísu nálgast 300 þúsund á dag, en þar hafa mest að segja smit í Ameríku og Suður-Asíu.

Staðfest smit eru orðin 16 milljónir á heimsvísu, samkvæmt talningu Johns Hopkins-háskóla, og eru dauðsföll sem staðfest er að tengjast veirunni orðin 644 þúsund.

Frétt BBC

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Geir Ágústsson: Samhengi óskast