Trump greinir frá sögulegu samkomulagi
Setja bókamerki
Ísrael og Sameinuðu arabísku furstadæmin hafa sammælst um að bæta tengsl þjóðanna og stuðla að friði. Frá þessu greindi Donald Trump, forseti Bandaríkjanna.
Í sameiginlegri yfirlýsingu frá Trump, Benjamin Netanyahu, forsætisráðherra Ísraels, og Mohammed bin Zayed, krónprinssins í Abu Dhabi, segir að þeir voni að „þessi sögulegu tímamót verði skref í friðarátt í Miðausturlöndum“.
Þetta kemur fram á vef BBC.
Leiðtogarnir segja að Ísrael muni láta af fyrirætlunum sínum að innlima enn stærra svæði af Vesturbakkanum sem Ísraelar hernumu fyrir hálfri öld.
Þar til nú hefur Ísrael ekki átt í stjórnmálalegum samskiptum við arabaríki við Persaflóa. Fram kemur á vef BBC, að áhyggjur manna af áhrifum Írana á svæðinu hafi aftur á mótti leitt til óformlegra samskipta á milli ríkjanna.
Eftir að Trump greindi frá þessu birti Netanyahu færslu á Twitter þar sem hann segir að þetta sé sögulegur dagur.
Hótar Bretum og Bandaríkjamönnum
Börn hafi engan rétt á leikskólakennslu
Líklega komin á seinni hluta hrinunnar í Svartsengi
Nýtt fangelsi í landi Stóra-Hrauns tilbúið 2028
Hraunið við bílastæði Bláa lónsins
Fullvissa ferðamenn um að hér sé öruggt
Yfir 300 stæði fóru undir hraun
Rússar sagðir útvega N-Kóreu milljón olíutunnur