Simbabve býðst til að skila landareignum

Yfirvöld í Simbabve hafa boðist til að skila landareignum til erlendra ríkisborgara, eftir að þær voru teknar af þeim í umdeildri aðför ríkisins um aldamótin, undir forystu forsetans Roberts Mugabe.

Þúsundir hvítra bænda voru þá hraktar á brott frá landi sínu, oft með ofbeldi. Var aðgerðunum ætlað að bæta fyrir landtökuna sem átti sér stað á nýlendutímanum, en þær urðu á endanum til þess að skaða efnahag landsins og eyðileggja sambönd ríkisins við Vesturlönd.

Bandarísk stjórnvöld hafa áður sagt að úrbætur á borð við þessar séu eitt þeirra skilyrða sem uppfylla þarf svo þau aflétti áratugalöngum efnahagsþvingunum gegn Afríkuríkinu, að því er segir í umfjöllun BBC.

• 2 blogg um fréttina

Bloggað um fréttina

• Jóhann Elíasson: UM ÞETTA HEFUR EKKERT VERIÐ FJALLAÐ OG EKKI NEITT UM …
• Geir Ágústsson: Varúð! Blaðamaður skrifar frétt!