Facebook bannar markaðsfyrirtæki hliðhollt Trump
Setja bókamerki
Facebook hefur ákveðið að banna markaðsfyrirtækið Rally Forge frá Arizona og hefur allt efni þaðan verið fjarlægt.
Ástæðan er rannsókn sem Facebook efndi til eftir fyrirspurn dagblaðsins Washington Post í síðasta mánuði. Í rannsóknni lýstu sérfræðingar fyrirtækinu sem „nettrölla-verksmiðju“. Þar kemur fram að Rally Forge „starfi fyrir hönd Turning Point USA“.
Rannsóknin varð til þess að 220 facebookreikningar, 55 síður og 76 instagramreikningar voru fjarlægð. Margir þeirra sem héldu úti þessum reikningum voru unglingar sem búa í borginni Phoenix eða þar í kring, að því er segir á vef Washington Post.
Þessir fölsku reikningar, sumir með prófílum eða myndum sem voru búnar til með gervigreind, studdu við alvörureikninga hjá fólki sem tók þátt í verkefni, sem snerist meira og minna um að setja inn ummæli sem voru hliðholl Donald Trump Bandaríkjaforseta og öðrum íhaldssömum málefnum víðs vegar á samfélagsmiðla.
Facebook ákvað að refsa ekki Turning Point USA, íhaldssömum samtökum ungs fólks sem eru búsett í Phoenix, eða 26 ára forseta þeirra, Charlie Kirk, vegna þess að samfélagsmiðillinn gat ekki fundið út hversu mikið leiðtogar samtakanna vissu um þau brot sem höfðu verið framin fyrir hönd þeirra, þar á meðal að búa til falska reikninga.
Twitter greip einnig til aðgerða í dag og lokaði 262 reikningum til viðbótar sem tengjast málinu, auk þess sem nokkur hundruð reikningum var lokað í síðasta mánuði eftir fyrirspurn Washington Post.
„Á allt sitt undir því að njóta trausts almennings“
Máttu ekki auglýsa „mesta úrvalið“ og „besta verðið“
„Mikilvægt að hvíla viðbragðið“
Fjallvegir á Vestfjörðum og víða um land á óvissustigi
Íslendingar vanir að klæða sig vel
„Umferðin greinilega að þyngjast“
Leiðindaveður yfir jólahátíðina
Þungt ástand í margar vikur vegna RS-veiru