Treysta sjö fjölmiðlum fyrir úrslitunum
Setja bókamerki
Twitter tilkynnti í dag hvernig samfélagsmiðillinn hyggst sporna við snemmbúnum yfirlýsingum um sigur í bandarísku forsetakosningum sem haldnar eru á morgun.
Hefur miðillinn valið sjö fjölmiðla sem fullyrt er að treysta megi við að spá endanlega um úrslit kosninganna. Fjölmiðlarnir eru eftirfarandi:
- ABC News
- AP
- CNN
- CBS News
- Decision Desk HQ
- Fox News
- NBC News
Í tísti segist Twitter aðeins munu líta á niðurstöðu sem opinbera þegar hún hefur verið tilkynnt af fulltrúa kjörstjórnar ríkis, eða þegar að minnsta kosti tveir ofangreindra fjölmiðla hafi fullyrt að úrslitin verði á ákveðna vegu.
Gæti merkt tíst um óstaðfesta niðurstöðu
Fjallað er um þessa ákvörðun á vefmiðlinum Axios og farið nánar út í smáatriðin:
- Ef einhver þessara sjö fjölmiðla tístir og fullyrðir ákveðna niðurstöðu, áður en hinir sex hafa staðfest hana, mun Twitter ekki merkja tístið sérstaklega.
- Ef blaðamaður eða einhver annar notandi Twitter fullyrðir ákveðna niðurstöðu, án þess að vísa til einhverra úr hópi fjölmiðlanna sjö, gæti Twitter merkt það tíst sérstaklega.
- Merkingin sem Twitter mun nota verður eftirfarandi: „Opinberar heimildir kunna ekki að hafa sagt til um niðurstöðuna þegar þessu var tíst. Fáðu að vita meira.“
- Merkingin mun hafa hlekk á ritskoðaða upplýsingasíðu Twitter um kosningarnar.
Axios greindi einnig frá því í gærkvöldi að forsetinn hygðist lýsa yfir sigri ef útlit væri fyrir að hann hefði forskot á Biden.
Þetta myndi stríða gegn hefð sem lengi hefur verið við lýði, þar sem sá frambjóðandi sem bíður ósigur, eða öruggt þykir að muni tapa, hringir í sigurvegara kosninganna og játar ósigur sinn. Í framhaldinu stígur sigurvegarinn á svið frammi fyrir sínum stuðningsmönnum.
Vilja 20 ára dóm í frönsku nauðgunarmáli
Fæðuöryggi: „Áttum mat í þrjár vikur“
Formaðurinn útilokar ekki undirritun í kvöld
Vinna hefst í dag við að reisa undirstöður
Falskur fyrirvari á auglýsingum Höllu
Vonir bundnar við morgundaginn
„Við vöknuðum við hljóð frá sprengingum“