Fram­boð Don­alds Trumps Banda­ríkja­for­seta hef­ur birt yf­ir­lýs­ingu þar sem fram kem­ur að hann neiti að viður­kenna ósig­ur. Þvert á móti er sagt að re­públi­kan­ar muni berj­ast áfram um Georgíu, Nevada, Arizona og Penn­sylvan­íu. 

Í yf­ir­lýs­ing­unni seg­ir: „Kosn­ing­un­um er ekki lokið. Rang­ar spár um sig­ur Joe Biden eru byggðar á úr­slit­um úr fjór­um ríkj­um sem ekki sér fyr­ir end­ann á hvernig munu fara. Biden treyst­ir á þessi ríki til að gera falskt til­kall til Hvíta húss­ins, en þegar kosn­ing­un­um lýk­ur mun Trump ná end­ur­kjöri.“

Fram kem­ur í yf­ir­lýs­ing­unni að búið sé að biðja um end­urtaln­ingu í Georgíu þar sem re­públi­kan­ar séu þess full­viss­ir að ógild at­kvæði séu í póst­kosn­ing­unni. Þá er kvartað und­an því að full­trú­ar á veg­um flokk­anna hafi ekki fengið nægj­an­leg­an aðgang til þess að fylgj­ast með taln­ingu at­kvæða í Penn­sylvan­íu.

Full­yrt er enn frem­ur að þúsund­ir póst­atkvæða í Nevada beri að ógilda.

Að auki sé Trump á góðri leið með að vinna í Arizona þrátt fyr­ir að Fox News og Associa­ted press hafi þegar lýst yfir sigri Biden í fylk­inu.    

Tengd­ar frétt­ir

For­seta­kosn­ing­ar í Banda­ríkj­un­um 2020

Þyngsti dóm­ur­inn til þessa

• Enn einn „Stolt­ur Dreng­ur“ dæmd­ur
• Biggs fékk 17 ára fang­els­is­dóm
• Re­públi­kan­ar gagn­rýna Tucker Carl­son
• Sak­felld­ir fyr­ir árás­ina á þing­húsið

» Fleiri tengd­ar frétt­ir

• 2 blogg um frétt­ina

Bloggað um frétt­ina

• Þor­steinn H. Gunn­ars­son: Auðvitða, það eru bara aum­ingj­ar sem gef­ast upp.
• Birna Kristjáns­dótt­ir: Eng­in upp­gjöf.