Sagði tímann leiða úrslitin í ljós
Setja bókamerki
Donald Trump Bandaríkjaforseti komst nálægt því að viðurkenna tap í forsetakosningunum 3. nóvember á blaðamannafundi í Hvíta húsinu í kvöld. Trump sagði að „tíminn myndi leiða úrslitin í ljós“.
Trump, sem hefur ekki viðurkennt ósigur í kosningunum gegn Joe Biden, ræddi við fréttamenn í Rósagarði Hvíta hússins um væntanleg bóluefni gegn kórónuveirunni.
„Það verður ekki útgöngubann. Þessi stjórn mun ekki boða það,“ sagði Trump og hélt áfram:
„Vonandi, hvað sem gerist í framtíðinni og hvaða stjórn verður mun tíminn leiða í ljós, en ég get fullvissað ykkur um að þessi stjórn boðar ekki útgöngubann.“
Forsetinn sagði Bandaríkjastjórn þegar hafa fjárfest í hundruðum milljóna skammta af bóluefni Pfizers gegn kórónuveirunni. Því yrði dreift í öllum ríkjum, nema New York, en Andrew Cuomo, ríkisstjóri New York, hefur látið í ljós efasemdir með hvernig stjórnvöld hyggjast dreifa bóluefninu.
Trump svaraði ekki spurningum fréttamanna í kvöld sem heyrðust spyrja út í tómið hvort forsetinn viðurkenndi ósigur sinn í kosningunum.
Varnargarðar hækkaðir um 3 til 4 metra
Ökumaður í símanum valdur að umferðarslysi
Viðræður ekkert þokast frá því á þriðjudag
Vegirnir voru eins og borðstofuborð
Pútín reynir allt til að forðast aðra herkvaðningu
Flestir sem hvergi finnast koma frá Sómalíu
Vika í kosningar: Þetta segja kannanir
Þarf að koma til móts við ólíkar þarfir lækna