Rekinn í kjölfar yfirlýsingar
Setja bókamerki
Donald Trump Bandaríkjaforseti hefur rekið háttsettan öryggiseftirlitsmann úr starfi en sá hafnaði ásökunum forsetans um víðtækt kosningasvindl í nýafstöðnum forsetakosningum er Trump tapaði fyrir Joe Biden.
Trump tilkynnti um brottreksturinn áTwitter og að uppsögnin tæki gildi nú þegar. Öryggiseftirlitsmaðurinn heitir Chris Krebs og leiddi starf stofnunar á vegum stjórnvalda sem hefur eftirlit með kosningum. Stofnunin lýsti forsetakosningarnar 3. nóvember þær öruggustu í sögu Bandaríkjanna.
Trump, sem neitar að viðurkenna ósigur í forsetakosningunum, hefur ítrekað haldið því fram, án þess að leggja nokkur gögn fram því til sönnunar, að svindlað hafi verið við atkvæðagreiðslu og talningu atkvæða.
Hann segir á Twitter að nýleg yfirlýsing Chris Krebs um öryggismál kosninganna hafi verið mjög ónákvæm því að þar hafi verið um víðtækt svindl að ræða.
Þess vegna hafi Chris Krebs verið rekinn úr starfi framkvæmdastjóra netöryggis- og innviða öryggisstofnunarinnar.
Krebs, sem greindi vinum sínum frá því í síðustu viku að hann ætti von á uppsögn, virðist staðfesta uppsögnina á eigin Twitter-reikningi í gærkvöldi. Þar segist hann þakklátur fyrir að hafa þjónað landi sínu. „Við gerðum rétt. Vörn í dag, öryggi á morgun,“ skrifar Krebs á Twitter.
Krebs hafði yfirumsjón með mögulegum tölvuárásum, bæði innanlands sem utan, á kosningavélar. Eins talningarvélum, gagnagrunnum og öðrum öryggiskerfum tengdum atkvæðatalningu og atkvæðagreiðslu.
Brottvikningin hefur verið harðlega gagnrýnd, bæði úr röðum demókrata og repúblikana.
/frimg/1/53/8/1530844.jpg)
Myndir: Náttúrulegur þröskuldur að taka við
Dómur þyngdur um þrjú ár
Hópur fólks reyndi að komast að eldgosinu
Fullvissa ferðamenn um að hér sé öruggt
Sjötti ferðamaðurinn er látinn
/frimg/1/53/7/1530787.jpg)
Flogið á milli ljósaskipta
Hótar Bretum og Bandaríkjamönnum
Hluti bílastæðis undir hraun: Ómögulegt að meta tjón