YouTube bannar kenningar um kosningasvindl
Ný myndskeið þar sem sigur Bidens er dreginn í efa verða tekin niður frá og með deginum í dag.
Skjáskot
Setja bókamerki
YouTube tilkynnti í dag að ekki væri lengur leyfilegt að birta myndskeið á veitunni þar sem því er haldið fram að kosningasvindl hafi verið framið í forsetakosningunum í Bandaríkjunum í síðasta mánuði.
Í tilkynningu frá YouTube segir að búið sé að lýsa Joe Biden sigurvegara kosninganna í nægilega mörgum ríkjum svo niðurstaðin geti talist viðurkennd og opinber.
Gagnrýnendur hafa lengi kallað eftir því að YouTube, sem er í eigu Google, láti ekki myndskeið sem dreifi villandi upplýsingum um niðurstöður kosninganna standa.
Frá og með deginum í dag verða öll ný myndbönd þar sem samsæriskenningum um kosningarnar er haldið á lofti tekin niður af YouTube, að því er fram kemur í tilkynningu.
Gosið gæti varað lengur: Meiri fyrirstaða í gosrásinni
Átti ekki að láta pirring bitna á sjúklingi
Úlfar: Heppileg tímasetning á gosinu
Heitt vatn fannst sem gæti annað 10 þúsund manns
Einar skorar á næstu ríkisstjórn
Mjög alvarlegt ef Njarðvíkuræð gefur sig
Tekist á um áður óþekkta skýrslu landlæknis