Bóluefni Pfizer og BioNTech gegn kórónuveirunni barst til allra aðildarríkja Evrópusambandsins í gær. Í dag hefst sameiginlegt bólusetningarátak sambandsins. 

Þýskaland, Slóvakía og Ungverjaland hófu bólusetningu strax í gær þegar bóluefnið barst. Evrópusambandsríkin auk Noregs fengu hvert um sig tæplega 10.000 skammta bóluefnis í gær. Sambandið hefur tryggt sér yfir tvo milljarða skammta af bóluefni frá nokkrum framleiðendum, en íbúar innan Evrópusambandsins eru tæplega 450 milljónir. 

Upphaf bólusetningarátaksins er fyrst og fremst táknrænt, en líklega mun það taka fleiri mánuði að bólusetja nógu marga svo að hjarðónæmi geti myndast innan Evrópu. 

AFP

Í Frakklandi verða íbúar tveggja hjúkrunarheimila í úthverfi Parísar bólusett í dag. Frakkar hafa valið að setja aldraða og einstaklinga með undirliggjandi sjúkdóma í forgang í bólusetningu, en með því er vonast til þess að álag á heilbrigðiskerfið minnki. 

Bólusetningar eru einnig hafnar í Kína, Rússlandi, Kanada, Bandaríkjunum, Sviss, Serbíu, Singapúr, Sádi-Arabíu og Bretlandi. 

AFP

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Jónatan Karlsson: Afhverju er Ísland aftast á merinni.