Fjögur tilfelli af „breska“ afbrigði kórónuveirunnar hafa greinst í Grikklandi. Öll smitin greindust meðal einstaklinga sem nýlega höfðu dvalið í Bretlandi. Þetta kemur fram í tilkynningu frá heilbrigðisyfirvöldum í Grikklandi. 

Nýja afbrigði veirunnar greindist fyrst í Bretlandi, en talið er að það sé allt 70% meira smitandi en veiran var í upphafi heimsfaraldurs. Þá hefur nýtt afbrigði sömuleiðis verið greint í S-Afríku, en það er einnig talið mjög smitandi. 

Frétt af mbl.is

Nýr stofn veirunnar allt að 70% meira smitandi

„Fjórir einstaklingar sem nýlega ferðuðust til Grikklands frá Bretlandi hafa greinst með afbrigðið. Þeir eru nú í einangrun,“ var haft eftir aðila innan heilbrigðisráðuneytisins. Umræddur heimildarmaður vildi ekki láta nafn síns getið að því er fram kemur í umfjöllun Reuters. 

Takmarkanir í Grikklandi hafa verið hertar umtalsvert frá og með deginum í dag. Hárgreiðslustofum og bókaverslunum hefur m.a. verið gert að loka. Bólusetningar hófust í landinu í síðustu viku, en alls hafa 140.099 tilfelli greinst í landinu. 

Frétt af mbl.is

Nýja afbrigðið barst til Svíþjóðar

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Þorsteinn Siglaugsson: Færeyska afbrigðið greindist á Álandseyjum