Joe Biden verðandi forseti Bandaríkjanna fordæmdi í kvöld óeirðir við þinghús Bandaríkjaþings. Hann sagði framferði mótmælenda vera „uppreisn“ og krafðist þess að Donald Trump Bandaríkjaforseti kalli eftir upplausn óeirðanna.

„Á þessum tímapunkti er lýðræðið okkar að verða fyrir fordæmalausri árás,“ sagði Biden, en hundruð mótmælenda brutu sér leið inn í þinghúsið fyrr í kvöld. Fjölmargir báru skotvopn og þurfti að rýma bygginguna. 

„Ég beini orðum mínum til Trump forseta og hvet hann til að fara í sjónvarpið til þess að krefjast endaloka á þessu umsátri. Að brjótast inn í þinghúsið, berja glugga, taka yfir skrifstofur, málstofu Bandaríkjaþings, ógna öryggi réttkjörinna embættismanna? Það eru ekki mótmæli, þetta er uppreisn,“ sagði Biden. 

Tengdar fréttir

Forsetakosningar í Bandaríkjunum 2020

Þyngsti dómurinn til þessa

• Enn einn „Stoltur Drengur“ dæmdur
• Biggs fékk 17 ára fangelsisdóm
• Repúblikanar gagnrýna Tucker Carlson
• Sakfelldir fyrir árásina á þinghúsið

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Trump mótsögnin og lýðurinn