Bill Barr, fyrrverandi dómsmálaráðherra Bandaríkjanna, segir gjörðir fyrrum yfirmanns hans, Donalds Trump, í aðdraganda óeirðanna við þinghús Bandaríkjaþings vera „svik við embætti hans og stuðningsmenn“.

Barr lét af embætti í desember eftir að hafa opinberlega andmælt fullyrðingum Trump um meint kosningasvindl í forsetakosningunum sem fram fóru í nóvember. 

„Að hvetja múg til að þrýsta á þingið er óafsakanlegt,“ sagði Barr í yfirlýsingu. 

Frétt af mbl.is

Barr hættir sem dómsmálaráðherra

Fyrir forsetakosningarnar var Barr einn af dyggustu stuðningsmönnum Trump. Hann kom meðal annars í veg fyrir stórhneyksli með því að gefa fyrir fram út fjögurra blaðsíðna útdrátt úr rannsókn sérstaks saksóknara Roberts Mueller á samskiptum Trump við yfirvöld í Rússlandi, þar sem gjörðir forsetans voru smækkaðar verulega. 

Tengdar fréttir

Forsetakosningar í Bandaríkjunum 2020

Þyngsti dómurinn til þessa

• Enn einn „Stoltur Drengur“ dæmdur
• Biggs fékk 17 ára fangelsisdóm
• Repúblikanar gagnrýna Tucker Carlson
• Sakfelldir fyrir árásina á þinghúsið

» Fleiri tengdar fréttir

• 1 blogg um fréttina

Bloggað um fréttina

• Ómar Geirsson: Svona gerum við ekki, skammastu þín.