Fagna því að „vinur“ tekur við af Trump
Setja bókamerki
Tengdar fréttir
Forsetakosningar í Bandaríkjunum 2020
Æðstu ráðamenn Evrópusambandsins lýstu yfir létti yfir því að bráðum eiga þeir vin í Hvíta húsinu eftir að Joe Biden tekur við embætti Bandaríkjaforseta af Donald Trump.
Charles Michel, forseti leiðtogaráðs Evrópusambandsins, sagði að nota eigi tækifærið til að efna til „grunnsamnings“ á milli ESB og Bandaríkjanna.
Ursula von der Leyen, forseti framkvæmdastjórnar ESB, tók undir orð hans. „Þessi virðulega athöfn fyrir utan bandaríska þinghúsið mun bera vitni um þrautseigju lýðræðis í Bandaríkjunum,“ sagði hún. „Og hún verður sönnun þess að enn og aftur, eftir fjögur löng ár, á Evrópa vin í Hvíta húsinu.“
Hún sagði einnig að þær milljónir Bandaríkjamanna sem kusu Trump og einhverjir þeirra sem hefðu efnt til óeirða fyrir hans hönd 6. janúar ættu að vera víti til varnaðar. „Trump Bandaríkjaforseti verður kannski farinn eftir nokkrar klukkustundir en stuðningsmenn hans eru enn til staðar. Yfir 70 milljónir Bandaríkjamanna kusu Trump í kosningunum,“ sagði hún.
„Nokkur hundruð þeirra ruddust inn í þinghúsið í Washington, vöggu lýðræðis í Bandaríkjunum, einungis fyrir nokkrum dögum. Svona líta hlutirnir í raun og veru út þegar kné er látið fylgja kviði, þegar lýðræðinu stafar raunveruleg hætta af völdum hatursorðræðu og fölskum fréttum,“ bætti hún við.
Von der Leyen líkti óeirðunum í Bandaríkjunum við nýlega tilraun þýskra aðgerðasinna til að ryðjast inn í þinghúsið í Berlín til að mótmæla aðgerðum stjórnvalda til að stemma stigu við útbreiðslu kórónuveirunnar.
Einnig minntist hún á mál Jo Cox, bresks þingmanns, sem var myrtur af öfga-hægrimanni nokkrum vikum áður en Bretar ákváðu í atkvæðagreiðslu að yfirgefa Evrópusambandið.
Tengdar fréttir
Forsetakosningar í Bandaríkjunum 2020
Spennan magnast undir Sundhnúkagígaröðinni
Nafn ökumannsins sem lést við Flúðir
„Erum búin að eiga von á þessu gosi ansi lengi“
Fækkun gæti tengst spennu í alþjóðamálum
/frimg/1/21/24/1212405.jpg)
Ákvörðun um atkvæðagreiðslu tekin á morgun
Kannski tilefni til að endurskoða heimildir
Kanna hvort glæpurinn hafi verið skipulagður