Kapteinn Tom Moore, sem nýlega var aðlaður af Elísabetu II Bretlandsdrottningu fyrir framlag hans í faraldrinum, er nú kominn á spítala eftir að hann fékk Covid-19. Moore, sem er orðinn 100 ára gamall, er með lungnabólgu og glímir við öndunarerfiðleika.

Í yfirlýsingu sem dóttir Tom sendi frá sér á Twitter-síðu föður síns kom fram að hann hefði undanfarnar vikur verið með lungnabólgu en hann hefði svo greinst jákvæður fyrir Covid-19 í gær. Hann var fluttur á spítala en er þó ekki á gjörgæslu. 

Safnaði milljörðum fyrir breska heilbrigðiskerfið

Moore, sem barðist í síðari heimsstyrjöld, varð heimsfrægur í apríl árið 2020 þegar hann byrjaði að safna fé fyrir breska heilbrigðiskerfið með því að ganga yfir garðinn sinn.

Hann safnaði áheitum og gekk 100 ferðir fram og til baka í garðinum heima hjá sér í Bedfordshire í Bretlandi. Upphaflega ætlaði hann að safna eitt þúsund pundum en hafði safnað milljörðum þegar yfir lauk.

Frétt af mbl.is

99 ára og safnar milljörðum

Frétt af mbl.is

99 ára og náði efsta sæti topplistans

Þá varð hann elsti listamaðurinn til að ná á fyrsta sæti á topplista yfir vinsælustu lögin í Bretlandi. Hann og fleiri sungu og gáfu út nýja útgáfu af laginu „You‘ll Never Walk Alone“ til styrktar heilbrigðiskerfinu.

Moore var sæmdur tign heiðursofursta í breska hernum á 100 ára afmæli sínu 30. apríl á síðasta ári og var síðan sleginn til riddara af Bretlandsdrottningu síðasta sumar.

Frétt af mbl.is

Hinn 100 ára gamli Moore sleginn til riddara

Feðginin Tom Moore og Hannah Ingram-Moore. AFP

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Þórdís Björk Sigurþórsdóttir: Lést Sir Tom eftir bólusetningu en ekki úr Covid?