Ríkið brást í baráttu við loftslagsbreytingar
Setja bókamerki
Dómstóll hefur úrskurðað að franska ríkið beri ábyrgð á meintri vangetu þess við að draga úr áhrifum loftslagsbreytinga.
Þar með báru aðgerðahópar sigur úr býtum í máli sem yfir tvær milljónir ríkisborgara studdu.
Dómstóll í París úrskurðaði að með því að hafa ekki brugðist almennilega við loftslagbreytingum hafi ríkið valdið skaða á umhverfinu.
Oxfam í Frakklandi, Greenpeace í Frakklandi og tveir aðrir aðgerðahópar sökuðu ríkisstjórnina um að hafa ekki efnt loforð Emmanuels Macrons Frakklandsforseta um að „gera jörðina okkar frábæra aftur“.
Dómstóllinn gefur sér tvo mánuði til að ákveða hvort ríkisstjórn Macrons verði neydd til að grípa til aðgerða til að draga enn frekar úr útblæstri sem veldur gróðurhúsaáhrifum.
Oxfam sagði á Twitter að úrskurðurinn væri „sögulegur sigur fyrir loftslagið“ og að „vangeta ríkisins við að bregðast loftslagsbreytingum hafi verið dæmd ólögleg.“
Minni tafir en í sambærilegum borgum
Neyðarástand kalli á tafarlaus viðbrögð
Vatni hleypt aftur á Flateyri
Var rétt komin ofan í sprunguna
/frimg/1/52/89/1528993.jpg)
Þórður „má og á að skammast sín“
Nota ekki jólaljós til að níðast á fólki
Spá illviðri víða um land á morgun
„Það var bara allt í kássu“