Ursula von der Leyen, forseti framkvæmdastjórnar Evrópusambandsins, hefur viðurkennt að sambandið hafi verið of lengi að samþykkja bóluefni við Covid-19.

„Við erum ekki á þeim stað þar sem við viljum vera,“ sagði hún í ræðu á Evrópuþinginu.

Von der Leyen var á þinginu gagnrýnd af þingmönnum fyrir hægagang af hálfu ESB við að útvega bóluefni.

Hún sagðist samt sannfærð um að ákvörðunin um að panta bóluefni í sameiningu hafi verið sú rétta í stöðunni, að því er BBC greindi frá.

Bólusetning við Covid-19 í Berlín. AFP

Framkvæmdastjórn ESB hefur verið gagnrýnd fyrir það hversu langan tíma hefur tekið að útvega bóluefni. Áætlun þess efnis var samþykkt í júní í fyrra. Samið var um kaup á bóluefnum fyrir hönd þeirra ríkja sem eru í ESB.

Seinkun hefur orðið á bóluefnum frá framleiðendum, þar á meðal Oxford-AstraZeneca og Pfizer-BioNTech.

Tengdar fréttir

Bólusetningar við Covid-19

Almenningur fékk ekki nægan aðgang að samningum

• „Það þarf að vinna mikinn fjölda upp“
• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Hefðum við getað orðið fyrstir í bóluefnakapphlaupinu?