Álag á tékkneska heilbrigðiskerfið fer ört vaxandi vegna kórónuveirufaraldursins og nálgast nú hámarksgetu kerfisins.

Hvergi í heiminum hafa greinst fleiri ný tilfelli á hverja hundrað þúsund íbúa en í landinu. Og aðeins í nágrannaríkinu Slóvakíu hafa hlutfallslega fleiri látist af völdum veirunnar á sama tímabili.

Ríkisstjórnin, sem náði að hemja fyrstu bylgju faraldursins snemma, hefur frá síðasta sumri þurft að eiga við fleiri og fleiri bylgjur smita í landinu sem telur um 10,7 milljónir manna.

Hægst á annarri þjónustu

„Við getum engan veginn haldið uppi núgildandi stöðlum í heilbrigðisþjónustu,“ sagði aðstoðarheilbrigðisráðherrann Vladimir Cerny við blaðamenn í dag.

Benti hann á að einnig hefði hægst verulega á annarri heilbrigðisþjónustu.

„Kerfið í heild sinni er að nálgast mörkin.“

Alls eru 1.300 manns á gjörgæslu vegna sjúkdómsins í Tékklandi. Þar af eru 660 í öndunarvél. Fleiri en 1,16 milljónir tilfella hafa greinst frá upphafi faraldursins og nær tuttugu þúsund látist.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Mannfall Tékka samsvarar 600 látnum hér. Kerfið að örmagnast.