Yfirvöld í Kaliforníuríki í Bandaríkjunum hafa kynnt tilslakanir á samkomutakmörkunum sem taka gildi 1. apríl. Skemmtigörðum á borð við Disneyland verður þá heimilt að opna á nýjan leik í fyrsta skipti í heilt ár.

Nýju reglurnar eru til komnar í ljósi lækkandi nýgengi smita, færri innlagna á sjúkrahús og mikillar fækkunar dauðsfalla af völdum veirunnar að undanförnu en vel gengur að bólusetja í ríkinu.

Samkvæmt reglunum verður tónleikahald heimilt á ný auk þess sem áhorfendur mega mæta á íþróttaviðburði. Í öllum tilfellum verða fjöldatakmarkanir þó við lýði og grímuskylda þar sem annars staðar.

„Varfærin opnun er í samræmi við gögnin. Eftir því sem tilfellum fækkar viljum við geta snúið aftur í vinnu og skóla,“ segir doktor Jeffrey Klausner, prófessor við Háskólann í Suður-Kaliforníu, í viðtali við AP-fréttaveituna. „Viðburðir utandyra hafa alltaf verið tiltölulega áhættulitlir. Að opna þessa staði er því rökrétt.“

Tugir þúsunda hafa misst vinnuna í ríkinu vegna lokananna, þar af um tíu þúsund í Disneylandi og nálægum veitingastöðum og hótelum.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Geir Ágústsson: Aðhald og óánægja