Öryggisnefnd Lyfjastofnunar Evrópu segist vera fullviss um ávinning af bóluefni AstraZeneca þrátt fyrir fregnir um að bóluefnið auki líkur á blóðtappa. Ekkert bendir til þess að orsakatengsl séu á milli bóluefnisins og tilfelli blóðtappa hjá bólusettum. 

„Við erum áfram staðfastlega sannfærð um að ávinningur af bóluefni AstraZeneca í að koma í veg fyrir Covid-19 sem veldur innlögnum og andlátum, vegi meira en áhætta af þessum aukaverkunum,“ sagði Emer Cooke, forstjóri stofnunarinnar á blaðamannafundi í dag. 

„Á þessari stundu er ekkert sem bendir til þess að bóluefni hafi valdið þessum tilfellum. Slík tilfelli hafa ekki komið upp í rannsóknum og eru ekki listuð upp sem þekktar eða mögulegar aukaverkanir,“ sagði Cooke. 

Öryggisnefndin fundaði í dag, líkt og Alþjóðaheilbrigðismálastofnunin sem hefur áður hvatt þjóðir til þess að fresta ekki bólusetningu. 

Frétt af mbl.is

Funda í dag vegna AstraZeneca

Samkvæmt AstraZeneca hafa 37 tilfelli blóðtappa komið upp hjá þeim 17 milljónum Evrópubúa sem fengið hafa bóluefnið. Ákveðin tilfelli eru enn í rannsókn hjá Lyfjastofnun Evrópu og Alþjóðaheilbrigðismálastofnuninni. Sérfræðingar telja að tilfellin stafi frekar af tilviljunum en bóluefninu. 

Tengdar fréttir

Bólusetningar við Covid-19

Almenningur fékk ekki nægan aðgang að samningum

• „Það þarf að vinna mikinn fjölda upp“
• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Vísindin, veiran og breska bóluefnið