Saka Pútín um að vera hliðhollur Trump
Setja bókamerki
Leyniþjónustustofnun Bandaríkjanna telur Vladímir Pútín Rússlandsforseta hafa leyft afskipti af forsetakosningunum sem fram fóru í Bandaríkjunum í fyrra.
Rússnesk stjórnvöld eiga að hafa staðið fyrir pólitískum áróðri gegn Joe Biden núverandi Bandaríkjaforseta, af því staðhæft er í skýrslu stofnunarinnar, en í henni er hins vegar ekki fjallað um afskipti erlendra stjórnvalda af niðurstöðum kosninganna.
Írönsk stjórnvöld einnig sökuð um áróður
Rússnesk stjórnvöld neita þessum ásökunum staðfastlega en í skýrslunni sem út kom í dag og telur 15 síður, er fjallað um áróður af hendi rússneskra og íranskra stjórnvalda. Þar sagði að innanbúðarmenn rússneskra stjórnvalda hafi dreift ósannindum um Biden Bandaríkjaforseta í aðdraganda kosninga, auk þess sem áróðursherferð hafi verið keyrð áfram til þess að rýra traust almennnings á framkvæmd kosninganna sjálfra.
Þá eiga aðilar tengdir rússnesku leyniþjónustunni að hafa breitt út áróðurssögur gegn Biden til fjölmiðla, embættismanna og fylgdarmanna Trump að því er frá segir í skýrslunni.
Írönsk stjórnvöld eru í skýrslunni sökuð um að hafa hrint af stað áróðursherferð gegn Trump, þar sem hann sótti hart að stjórnvöldum þar í landi með viðskiptaþvingunum og hörðum orðaskiptum í garð íranskra stjórnvalda.
Oddvitaviðtöl í Reykjavík suður
Endurskoða starfsleyfi bálstofu kirkjugarðanna
Stjórnvöld stíga ekki inn í kjaradeilurnar
Alvarlega veikar og greindust að lokum með alnæmi
Konur og börn „næstum 70%“ látinna á Gasa
Þungt hugsi yfir ofbeldinu
Bindur vonir við að koma fjárlögunum í gegn
Skúli sýknaður en 780 milljóna greiðslum rift