Lyfjastofnun Evrópu ósammála íslenskum yfirvöldum
Setja bókamerki
Lyfjastofnun Evrópu segir engin gögn styðja takmörkun á notkun bóluefnis AstraZeneca gegn Covid-19. Notkun þess hefur verið takmörkuð hér á landi við fólk sem er 70 ára og eldra.
Fréttastofa Reuters greinir frá því að Lyfjastofnun Evrópu hafi enn ekki borið kennsl á neina áhættuþætti hvað AstraZeneca varðar, svo sem aldur, kyn eða fyrri sögu af blóðtappamyndun.
Hlé var gert á notkun bóluefnisins víða í Evrópu eftir að áhyggjur af því að bóluefnið gæti valdið blóðtappa vöknuðu. Í síðustu viku var notkun þess hafin aftur hérlendis en einungis fyrir fólk sem er 70 ára og eldra.
Ávinningurinn mun meiri en áhættan
Í nokkrum öðrum Evrópulöndum hefur notkun bóluefnisins einnig verið takmörkuð við eldra fólk. Þannig hefur notkunin t.d. verið takmörkuð við 60 ára og eldri í Þýskalandi en 55 ára og eldri í Kanada. Þá hafa Norðmenn ákveðið að hvíla notkun bóluefnisins til 15. apríl nk. vegna rannsókna sem nú eru framkvæmdar á mögulegum tengslum bóluefnisins og blóðtappa. Hlé á notkun bóluefnisins í Danmörku stendur einnig enn yfir.
Emer Cooke, forstjóri Lyfjastofnunar Evrópu, sagði í dag að það væru „engin sönnunargögn“ sem styddu ákvarðanir um takmörkun á notkun bóluefnisins.
Stofnunin segir ávinning af notkun bóluefnisins meiri en áhættuna, en benti á að fólk ætti að gera sér grein fyrir mjög takmörkuðum möguleika á blóðtöppum. Ef einkenni þeirra koma upp þarf fólk að sækja sér læknisaðstoðar um leið.
„Mikilvægt að hvíla viðbragðið“
Óveður heldur Holtavörðuheiði lokaðri
Var að slitna frá bryggju sökum hvassviðris
Í þögn hjartans
38 létust í flugslysi
Björgunarsveitir kallaðar út í nótt
Clinton fluttur á sjúkrahús
/frimg/1/41/23/1412311.jpg)
Segja Kínverja hindra framgöngu réttvísinnar