23 ára ítölsk kona er undir eftirliti á sjúkrahúsi eftir að hafa fyrir mistök fengið sex skammta af bóluefni Pfizer.

Fréttastofan AGI greindi frá þessu.

Ástand konunnar var gott eftir að hafa m.a. fengið parasetamól í kjölfar þessarar óhóflegu bólusetningar í gær.

Í stað þess að fá aðeins einn skammt sprautaðan í handlegginn notaði hjúkrunarfræðingurinn fyrir mistök bóluefni úr öllu lyfjaglasinu, sem jafngildir sex skömmtum.

Atvikið hefur verið tilkynnt til ítölsku lyfjastofnunarinnar.

Áður hefur verið greint frá of stórum skömmtum af bóluefni Pfizer í Bandaríkjunum, Ástralíu, Þýskalandi og Ísrael.

Tengdar fréttir

Bólusetningar við Covid-19

Almenningur fékk ekki nægan aðgang að samningum

• „Það þarf að vinna mikinn fjölda upp“
• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: "FYRR MÁ NÚ ROTA EN DAUÐROTA"