Hagnaður af Covid-19-bóluefnum hefur hjálpað að minnsta kosti níu manns að verða milljarðamæringar, að sögn Samtaka um bólusetningu almennings. Samtökin hvöttu til þess í dag að „einokun“ tækninnar á bak við bóluefnaframleiðslu verði hætt. AFP greinir frá. 

„Þessir milljarðamæringar hafa samanlagt safnað auði upp á 19,3 milljarða bandaríkjadala [eða því sem nemur um 2,3 billjónum íslenskra króna]. Sá auður dugar til þess að bólusetja allt fólk í lágtekjulöndum 1,3 sinnum,“ sögðu samtökin í yfirlýsingu. 

Frétt af mbl.is

Myndi nægja til að bólusetja heimsbyggðina

Samtökin eru bandalag aðgerðasinna sem berjast fyrir því að afnema eignarrétt og einkaleyfi á bóluefnum. Þeir byggja yfirlýsingu sína á gögnum Forbes Rich List. 

„Þessir milljarðamæringar eru andlit hins mikla gróða sem mörg lyfjafyrirtæki skapa sér á einokunarvaldinu sem þau hafa yfir þessum bóluefnum,“ sagði Anna Marriott hjá góðgerðarsamtökunum Oxfam, sem eru hluti af bandalaginu. 

Ugur Sahin, forstjóri BioNTech, er á meðal þeirra sem hefur auðgast mjög á bóluefnaframleiðslu. AFP

Átta manns hafa fengið fjórar billjónir íslenskra króna

Auk hinna nýju stórríku hafa átta manns sem voru milljarðamæringar fyrir Covid-19 auðgast um 32,2 milljarða bandaríkjadala, eða því sem nemur tæpum fjórum billjónum íslenskra króna, þökk sé bólusetningu gegn Covid-19. 

Efstir á lista nýrra milljarðamæringa sem geta rakið auð sinn til bólusetningarinnar eru Stephane Bancel, forstjóri Moderna, og Ugur Sahin, forstjóri BioNTech. 

Þrír aðrir nýmilljónamæringar eru meðstofnendur kínverska bóluefnafyrirtækisins CanSino Biologics. 

Tengdar fréttir

Bólusetningar við Covid-19

Almenningur fékk ekki nægan aðgang að samningum

• „Það þarf að vinna mikinn fjölda upp“
• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“

» Fleiri tengdar fréttir

• 1 blogg um fréttina

Bloggað um fréttina

• Kristín Inga Þormar: Lyfjarisarnir hlæja dátt þessa dagana!