Heilbrigðisyfirvöld í Víetnam hafa uppgötvað nýtt afbrigði kórónuveirunnar sem berst hratt í andrúmslofti og sameinar í raun þau tvö afbrigði sem til þessa hafa verið kennd við Indland og Bretland.

Yfirvöld eiga í erfiðri baráttu við útbreiðslu faraldursins í landinu, þar á meðal í stórborgunum Hanoi og Ho Chi Minh-borg.

Fleiri en 6.800 tilfelli og 47 dauðsföll hafa verið skráð innan landamæra Víetnam. Meirihluti þeirra hefur átt sér stað síðan í apríl, enda höfðu stjórnvöld lengst af góð tök á útbreiðslunni sem vöktu athygli víða utan landsteinanna.

Hertar ráðstafanir

„Styrkur veirunnar í hálsvökvanum eykst fljótt og dreifist mjög sterklega í nærumhverfið,“ segir heilbrigðisráðherrann Nguyen Thanh Long í tilkynningu.

Hann tók ekki fram hversu mörg tilfelli þessa afbrigðis hefðu greinst.

Í kjölfar nýjustu smitbylgjunnar í landinu hafa stjórnvöld gripið til hertra ráðstafana til að koma í veg fyrir samkomur fólks, ferðir þess og ýmis viðskipti.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 2 blogg um fréttina

Bloggað um fréttina

• Peter Skoog: Aha
• Ómar Ragnarsson: Vanræksla, sem getur hefnt sín grimmilega.