„Mistök“ að draga herlið frá Afganistan
Setja bókamerki
George W. Bush, fyrrverandi Bandaríkjaforseti, sagði í dag að það hafi verið mistök að senda herafla Bandaríkjahers frá Afganistan. Bush sagði að almennir borgarar hafi verið skyldir eftir til „slátrunar“ af hálfu talíbana.
„Afganskar konur og stúlkur munu þjást óheyrilega. Þetta voru mistök... Þau verða bara skilin eftir til þess eins að vera slátrað af þessu hrottafengna fólki og það veldur mér hjartasári,“ sagði Bush í viðtali við Deutsche Welle.
Forsetinn fyrrverandi, sem sendi fyrst herlið til Afganistan haustið 2001 í kjölfar árásanna á Tvíburaturnana 11. september, sagði að hann teldi að Angelu Merkel Þýskalandskanslara „liði eins“.
Herlið Bandaríkjanna og Atlantshafsbandalagsins hófu brottflutning frá Afganistan snemma í maí og sveitirnar eiga að hafa yfirgefið landið með öllu fyrir 11. september, 20 árum upp á dag frá hryðjuverkaárásunum í New York.
Liðsmenn talíbana hafa að undanförnu sótt fram víða í Afganistan og óttast er að brotthvarf erlendra hersveita muni gera talíbönum kleift að ná völdum af afganska hernum í höfuðborginni Kabúl. Talíbanar segjast nú ráða yfir 85% landsins.
Fullvissa ferðamenn um að hér sé öruggt
„Erum í miðri hrinu“: Styttist í Eldvörp
Hraunið við bílastæði Bláa lónsins
Líklega komin á seinni hluta hrinunnar í Svartsengi
Myndir: Grindavíkurvegur aftur undir hraun
/frimg/1/53/7/1530787.jpg)
Flogið á milli ljósaskipta
„Má segja að þetta gos hafi þjófstartað“