Fjórtán Ísraelar hafa greinst smitaðir af kórónuveirunni þrátt fyrir að hafa fengið þrjá skammta af bóluefni gegn Covid-19, samkvæmt ísraelskum fjölmiðlum. Tveir þeirra hafa verið lagðir inn á sjúkrahús. Ekki er vitað fyrir víst hvort fólkið hafi smitast áður eða eftir að það fékk þriðja bóluefnaskammtinn en smitin greindust þó eftir að fólkið hafði fengið hann.

Frétt af mbl.is

Ísraelar bjóða þriðja skammtinn af Pfizer

Þessi gögn duga vísindamönnum ekki til að draga almennar ályktanir um árangurinn sem hlýst af því að gefa þriðja skammtinn af bóluefninu til að berjast við útbreiðslu Delta-afbrigðis veirunnar. 

Flestir eldri en 60 ára

Ellefu af umræddum 14 einstaklingum eru eldri en 60 ára, hinir þrír eru ónæmisbældir en yngri en 60 ára gamlir.

Um 420.000 manns hafa fengið þriðja skammtinn af bóluefni gegn Covid-19 í Ísrael. Bólusetning með þriðja skammti hófst í síðustu viku.

Í skoðun er að gefa viðkvæmum hópum þriðja skammtinn af bóluefninu hér á landi. 

Frétt Times of Israel

Tengdar fréttir

Bólusetningar við Covid-19

Almenningur fékk ekki nægan aðgang að samningum

• „Það þarf að vinna mikinn fjölda upp“
• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“

» Fleiri tengdar fréttir

• 1 blogg um fréttina

Bloggað um fréttina

• Helga Dögg Sverrisdóttir: Vísindin prófuð