Tveir látnir eftir bólusetningu með spilltu efni
Setja bókamerki
Tveir menn á fertugsaldri hafa látist í Japan í kjölfar bólusetninga með skömmtum af Moderna-bóluefninu, sem talið er að hafi innihaldið aðskotaefni. Yfirvöld í Japan tóku heila framleiðslulotu af efninu úr umferð síðastliðinn fimmtudag eftir að grunur vaknaði um að aðskotaefni væri í skömmtunum.
Ekki hefur tekist að staðfesta orsakasamhengi milli andlátanna og bóluefnisins en frekari rannsókna er þörf. Sem stendur bendir ekkert til þess að mengunin hafi komið til með saknæmum hætti.
Haft er eftir heilbrigðisráðherra Japan, Norihisa Tamura, í Japan Times að málið verði rannsakað niður í kjölinn: „Við viljum að sérfræðingar geti rannsakað undir hvaða kringumstæðum andlátin báru að og hvort orsakasamhengi hafi verið milli þeirra og bólusetninganna.“
Heilbrigðisyfirvöld í Japan segjast hafa fundið aðskotaefni í 39 ónotuðum skömmtum af bóluefni í fimm mismunandi bólusetningamiðstöðvum.
Litlar líkur á að hraunið nái til mannvirkja
Mæðgur dæmdar til að greiða 64 milljónir
Maskína: Framsókn í fallbaráttu
„Má segja að þetta gos hafi þjófstartað“
Sáu eldgosið brjótast út frá Snæfellsnesi
„Erum í miðri hrinu“: Styttist í Eldvörp
Spara stórfé með olíukaupum ytra