Englendingar eru hættir við að innleiða bólusetningarvottorð sem hefur verið notast við í nokkrum ríkjum. Ef vottorðið hefði verið innleitt hefði það verið skylda til þess að komast inn á skemmtistaði og stærri viðburði. 

Frétt af mbl.is

Mótmæla heilsupassa Macrons

Frétt af mbl.is

Danir kveðja bólusetningarvottorðið

„Við ættum ekki að taka þetta upp bara til þess að segjast gera það,“ sagði Sajid Javid heilbrigðisráðherra Bretlands í viðtali í dag. 

Hann sagði að yfirvöld hafi skoðað málið en ákveðið að taka vottorðið ekki upp. Áður var gefið í skyn að það yrði tekið í notkun í lok mánaðarins.

Með bólusetningarvottorðinu hefði fólk í Bretlandi þurft að gefa sönnun á að það hafi fengið tvær bólusetningar gegn Covid-19 til þess að komast inn á skemmtistaði og stærri viðburði.

„Mér hefur aldrei líkað við þá hugmynd að segja fólki að það þurfi að sýna gögn til þess að gera venjulega hluti, en það er rétt að skoða valmöguleikann gaumgæfilega,“ sagði Javid.

Í viðtalinu sagði Javid einnig að hann vildi afnema PCR-próf vegna ferðalaga og að hann búist ekki við frekar útgöngubönnum.

Frétt á vef BBC.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Geir Ágústsson: Bretar að vakna