Frakkar reiðir og kalla sendiherra sína heim

Ríkisstjórn Frakklands hefur gefið út að hún muni kalla sendiherra sína heim frá Bandaríkjunum og Ástralíu sem ráðstöfun til þess að mótmæla samningi landanna tveggja sem hallar á Frakka. Þetta segir á vef breska ríkisútvarpsins BBC.

Utanríkisráðuneytið þar í landi sagði ráðstöfunina réttlætanlega í ljósi alvarleika málsins.

Frétt af mbl.is

Gera með sér bandalag gegn Kína

Samkvæmt samningnum, sem ber nafnið AUKUS og var kynntur á miðvikudag, verður Ástralíu veitt tækni til byggingar á kjarnorkuknúnum kafbátum en áður hafði Ástralía undirritað samning þess efnis við Frakkland. Sá samningur hljóðaði upp á um 31 milljarð Evra.

Jean-Yves Le Drian utanríkisráðherra Frakka lýsti hinum nýja samning Ástralíu við Bandaríkin sem „hnífi í bakið“.

• 1 blogg um fréttina

Bloggað um fréttina

• Páll Vilhjálmsson: ESB-sinnar á Íslandi í stríði við Bandaríkin og Bretland