Stytta af Thomas Jefferson fjarlægð
Setja bókamerki
Samþykkt var í kosningu borgarfulltrúa New York að stytta af Thomas Jefferson, þriðja Bandaríkjaforsetanum, yrði fjarlægð úr ráðhúsi borgarinnar í ljósi hlutdeildar hans að þrælahaldi Bandaríkjanna á sínum tíma.
Jefferson, sem var einn höfunda sjálfstæðisyfirlýsingar Bandaríkjanna. hélt rúmlega 600 þræla á plantekrum sínum og átti auk þess sex börn með einum þeirra. Að sögn borgarfulltrúans Adrienne Adams þá er Jefferson táknmynd eins myrkasta tíma í sögu landsins.
Hvað skal gera við stytturnar?
Atkvæðagreiðslan sem fór fram í gær var einhljóða en hvert styttan skal færð liggur enn milli hluta. Áætlað er þó að hún verði geymd á safni í borginni.
Mikil umræða hefur skapast í Bandaríkjunum um hvað skuli gera við styttur manna sem gætu talist móðgandi við minnihlutahópa innan samfélagsins.
Í september var styttan af Robert E. Lee, fremsta hershöfðingja Suðurríkjanna í bandaríska borgarastríðinu, fjarlægð úr Richmond höfuðborg Virginíu. Sú stytta var lengi talin táknmynd þrælahaldsins.
Hellisheiði og Þrengsli opnast ekki í dag
Feðgar saman í Grænlandstúr á jólum
Í þögn hjartans
Strandveiðar „efnahagsleg sóun“
„Mikilvægt að hvíla viðbragðið“
Segir umsókn að ESB vera óvirka
Óveður heldur Holtavörðuheiði lokaðri