Kínverjar smíða eftirlíkingar af bandarískum herskipum
Setja bókamerki
Gervihnattamyndir sýna að Kínverjar hafa smíðað eftirlíkingar af flugmóðurskipi og tundurspilli bandaríska sjóhersins í norðanverðri eyðimörkinni, hugsanlega til að nota við æfingar fyrir möguleg átök í framtíðinni.
Segja eftirlíkingarnar ný skotmörk
Á undanförnum árum hefur Kína styrkt og bætt her sinn gríðarlega. Það hefur valdið Bandaríkjunum sífellt meiri áhyggjum eftir því sem spennan eykst yfir Suður-Kínahafi, Taívan og yfirráðum á Indó-kyrrahafi.
Myndirnar sem teknar voru af bandaríska geimtæknifyrirtækinu Maxar Technologies á sunnudaginn síðastliðinn sýna útlínur bandarísks flugmóðurskips og minnst eins tundurspillis á járnbrautarteinum í bænum Ruoqiang, í eyðimerkursýslunni Taklamakan á norðvestur Xinjiang-svæðinu.
Leyniþjónusta Bandaríkjaflota segir eftirlíkingar bandarískra skipa hluta af nýju skotmarki sem þróað var af kínverska hernum, að því er greint frá í The Guardian.
Utanríkisráðuneytið kemur af fjöllum
Af myndunum er ekki ljóst hve nákvæmar eftirlíkingarnar eru. Leyniþjónusta Bandaríkjaflota hefur þó greint ákveðna eiginleika á tundurspillinum, þar á meðal reykháfa og vopnabúnað.
Wang Wenbin, talsmaður kínverska utanríkisráðuneytisins sagðist ekki geta veitt neitt neinar upplýsingar um myndirnar á kynningarfundi á mánudaginn síðastliðinn.
„Ég kannast ekki við þetta,“ sagði hann.
Vaxandi áhyggjur eru af mögulegum hernaðarátökum milli tveggja stærstu hagkerfa heimsins, Kína og Bandaríkjanna, og þykja myndbirtingar Maxar ekki ofan á þær bætandi.
Borgarstjóri LA virti blaðamenn að vettugi
Hleypt úr fangelsum til að berjast við eldana
Þingmenn stjórnarflokkanna funda á Þingvöllum
60 þúsund byggingar taldar í hættu
Ný Tesla Y kynnt
Miklar rakaskemmdir og mygla í Lögbergi
Ráðamenn þurfa að hafa búið áður á staðnum