Ísraelar ætla að loka landamærum sínum fyrir erlendum ferðamönnum til að stemma stigu við útbreiðslu nýja Ómíkron-afbrigðis kórónuveirunnar.

„Erlendum ríkisborgurum verður bannað að koma til Ísraels nema í tilfellum sem sérstök nefnd þarf að samþykkja,“ sagði í yfirlýsingu frá forsætisráðuneytinu í landinu.

Aðgerðirnar taka gildi í kvöld.

Frétt af mbl.is

Allir farþegar til Bretlands fari í próf og sóttkví

Ísraelskir ríkisborgarar á leið til landsins þurfa að sýna fram á neikvætt PCR-próf og fara í þriggja daga sóttkví ef þeir hafa verið bólusettir gegn kórónuveirunni. Annars þurfa þeir að fara í sóttkví í sjö daga.

AFP

Aðeins fjórar vikur eru liðnar síðan ísraelsk stjórnvöld opnuðu landamæri sín aftur fyrir erlendum ferðamönnum eftir að þau höfðu verið lokuð vegna kórónuveirunnar.

Frétt af mbl.is

Íslendingar varaðir við ferðalögum

Eitt tilfelli Ómíkron hefur greinst í Ísrael. Tvö önnur hugsanlega tilfelli hafa greinst hjá fólki sem hefur komið til landsins. Allir þrír einstaklingarnir eru bólusettir og í sóttkví. Afbrigðið greindist fyrst í Suður-Afríku.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Ágúst Kárason: ADE