Brú hrundi rétt fyrir ræðu Biden
Setja bókamerki
Brú hrundi snemma í morgun í Pittsburgh í Bandaríkjunum nokkrum klukkustundum áður en Joe Biden Bandaríkjaforseti var væntanlegur til borginnar til að flytja ræðu varðandi billjón dala innviðauppbyggingu.
Frumvarp Biden um umfangsmikla innviðauppbyggingu hvað varðar samgöngu- og fjarskiptakerfi Bandaríkjanna var samþykkt í nóvember. Það kallar á útgjöld sem nema um þúsund milljörðum, þ.e. einni billjón, Bandaríkjadala.
Þrír voru fluttir á sjúkrahús eftir að brúin hrundi en meiðsli þeirra eru ekki alvarleg.
Atvikið vakti athygli vegna væntanlegra ræðuhalda Biden í borginni þar sem hann ætlaði að fjalla um tilraunir sínar til að efla efnahag Bandaríkjanna eftir kórónuveirufaraldurinn.
Jen Psaki, fjölmiðlafulltrúi Hvíta hússins, greindi frá því á Twitter að Biden vissi af atvikinu og muni halda sínu striki í dag.
Enn fremur er forsetinn og fylgdarlið tilbúið að veita alla þá aðstoð sem þurfa þykir vegna málsins.
Frestar skerðingum fyrir norðan og austan
„Mjög bagalegt“ að klára ekki málið
Síminn stoppar ekki hjá Árekstur.is
Unnu eftir kröfugerð sem lögð var fram í upphafi
Vonast eftir breiðri þverpólitískri sátt
/frimg/1/50/98/1509812.jpg)
Aukin tíðni strætóferða fyrir fleiri íbúa
Óeðlilegt að sama gjald verði tekið óháð þyngd
