Á hvítum hesti í áróðursmyndbandi
Setja bókamerki
Kim Jong-un, leiðtogi Norður-Kóreu, sést ríðandi um á hvítum hesti í nýju áróðursmyndbandi. Þar er honum hrósað fyrir frammistöðu sína í efnahagsmálum á meðan hvergi er minnst á nýlegar eldflaugatilraunir landsins.
Stjórnvöld í höfuðborginni Pyongyang hófu árið með sjö mismunandi eldflaugatilraunum. Þar á meðal var skotið á loft kraftmesta flugskeyti landsins frá árinu 2017. Óttast er að Kim ætli sér stærri hluti á þessu sviði, þar á meðal tilraunir með kjarnorkuvopn.
Í heimildarmynd ríkisstjórnar hans kemur fram að Kim er í óða önn að rétta efnahag landsins af í kjölfar erfiðra tíma vegna kórónuveirunnar og alþjóðlegra refsiaðgerða.
„Meginþemað í heimildarmyndinni er hollusta Kims í garð almennings og vinnusemi hans,“ sagði Rachel Minyoung Lee, sem starfar hjá rannsóknarsetrinu Stimson Center í Washington.
„Ég held að við ættum ekki að velta okkur of mikið úr þessum hestaatriðum, heldur frekar nýlegum eldflaugatilraunum Norður-Kóreu,“ sagði Lee.
Norður-Kórea er að undirbúa hátíðarhöld í tilefni þess að í febrúar eru 80 ár liðin frá fæðingu Kims Jong-il, leiðtogans sáluga, og að í apríl verða 110 ár liðin frá fæðingu stofnandans Kims Il-sung,
Maðurinn sem lést var íslenskur
Funduðu að næturlagi vegna gruns um kvikuhlaup
Svona verður endaspretturinn
Nágranninn fannst látinn við nærliggjandi skóla
Hvað verður um sakamálin ef Trump vinnur? Eða tapar?
Björgunarsveitarmaður á æfingu lést við Tungufljót
Verkalýðshreyfingin pólitísk í eðli sínu
Boða umbreytingu í grunnskólanum