Forsætisráðherra Bretlands, Boris Johnson, kynnti rétt í þessu á þinginu frumvarp um hertar refsiaðgerðir gegn Rússum sem kristallast í því að gera þeim viðskipti erfið og banna flugumferð flugfélagsins Aeroflot innan lofthelgi sinnar.

Hann tilkynnti að fjármagn allra stærstu rússnesku bankanna í landinu yrði fryst, þannig að þeir gætu ekki nálgast peninga eða neinar greiðslur í gegnum Bretland. Það þýðir m.a. algjöra frystingu VTB-bankans.

Lög verða sett til að stöðva alla lánafyrirgreiðslu og fjáröflun stærri rússneskra fyrirtækja og reikningar verða frystir hjá meira en 100 einstaklingum og fyrirtækjum.

Líka Hvíta-Rússland

Að auki verður rússneska flugfélaginu Aeroflot bannað að lenda í Bretlandi, eins og áður sagði.

Tvíhliða viðskiptaleyfi sem gætu verið notuð til hernaðarviðskipta verða stöðvuð og á næstu dögum mun Bretland stöðva allan útflutning til Rússa á hátæknivörum og olíuhreinsunarbúnaði.

Takmörk verða fyrir innlögnum Rússa í breska banka og verið er að íhuga að stöðva aðgang þeirra að SWIFT-bankakerfinu. Sambærilegar refsiaðgerðir munu gilda um Hvíta-Rússland.

Tengdar fréttir

Úkraína

Fimmtán ára fangelsi fyrir að aðstoða Rússa

• Fagnar sigri Sandu og vill sameinaða Evrópu
• Sigur Trumps neyði Evrópu til að breyta um stefnu
• Standa með Rússum þar til sigur vinnst
• Vísindamaður grunaður um að aðstoða Rússa

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Innblástur Bórísar er frá frú Ingveldi, en það er næsti …