G7-ríkin samþykkja nýjar refsiaðgerðir
Setja bókamerki
G7-ríkin hafa samþykkt að beita Rússa enn harðari refsiaðgerðum fyrir innrás þeirra í Úkraínu.
Þessu tísti Joe Biden Bandaríkjaforseti að loknum fundi hans með fulltrúum frá sjö helstu iðnríkjum heims, þ.e. Bretlandi, Kanada, Frakklandi, Þýskalandi, Ítalíu, Japan og Bandaríkjunum, sem fór fram klukkan tvö að íslenskum tíma í dag.
„Í morgun hitti ég fulltrúa G7-ríkjanna til að ræða óréttmæta árás Pútíns forseta á Úkraínu og samþykktum við að beita Rússa enn harðari þvingunum og refsiaðgerðum en við höfum gert hingað til. Við stöndum með hugrökkum íbúum Úkraínu,“ segir í tístinu.
Bann við útflutningi
Bandarískir embættismenn segja nýju refsiaðgerðirnar munu beinast að öðrum og stærri rússneskum bönkum, og fleiri auðjöfrum sem tengjast Pútín Rússlandsforseta. Þá munu aðgerðirnar einnig fela í sér bann við útflutningi á hátæknibúnaði og íhlutum til Rússlands.
Ekki liggur fyrir hvaða refsiaðgerðir G7 ríkin samþykktu á fundi sínum í dag.
Joe Biden hyggst þó ávarpa bandarísku þjóðina í beinni útsendingu frá Hvíta húsinu í kvöld og má búast við því að nýju refsiaðgerðirnar gegn Rússum verði kynntar þá.
Yfir 300 stæði fóru undir hraun
Hentugt gos fyrst gýs á annað borð
Fullvissa ferðamenn um að hér sé öruggt
Ekki vandamál að vera karlmaður
Sólveig Anna furðar sig á aðferðum kennara
Sjötti ferðamaðurinn er látinn
