„Nóttin var skelfileg“
Volodimír Zelenskí, forseti Úkraínu, flytur ávarp eftir erfiða nótt.
AFP
Setja bókamerki
Volodimír Zelenskí, forseti Úkraínu, sagði Rússa beina sprengjum að íbúabyggð í Úkraínu og að nýliðin nótt hafi verið erfið fyrir marga Úkraínumenn.
„Nóttin var skelfileg. Stöðug skothríð þar sem skotið var á íbúabyggð og innviði,“ sagði Zelenskí í ávarpi í morgun.
„Nú er svo komið að innrásarherinn telur allt í okkar landi ásættanlegt skotmark og þeir berjast gegn öllum. Þeir berjast gegn öllum lifandi hlutum,“ sagði Zelenskí og bætti við að Rússar beini sprengjum sínum að leikskólum, blokkum og jafnvel sjúkrabílum.
Enn fremur beini Rússar eldflaugum að heilu hverfunum þar sem aldrei hafi verið neitt sem tengdist úkraínska hernum.
„Aðstæður í mörgum borgum hafa ekki verið svona slæmar síðan í seinni heimsstyrjöldinni,“ sagði forsetinn.
„Mjög bagalegt“ að klára ekki málið
Óvissustigi á Vestfjörðum aflýst
Frestar skerðingum fyrir norðan og austan
Hálfgerð martröð fyrir kosningastjóra
Mjög dýrt að tryggja landamærin
Síminn stoppar ekki hjá Árekstur.is
Illviðri gengur yfir landið í dag
