Þær þvinganir sem Vesturlönd hafa gripið til gegn Rússlandi hafa haft umtalsverð áhrif á efnahag landsins.

Þetta sagði fjármálaráðherra Þýskalands, Christian Lindner, á blaðamannafundi í dag. Tók hann fram að G7-ríkin veltu nú fyrir sér frekari aðgerðum til að svara innrás rússneska hersins í Úkraínu, en fjármálaráðherrar ríkjanna komu saman til fundar í dag.

Þvinganir „hafa þegar haft gífurleg áhrif á fjármagnsmarkaði og gjaldeyrinn,“ sagði ráðherrann, en Þýskaland fer nú með formennsku í ríkjahópnum.

Að hans sögn skiptust fjármálaráðherrarnir á tillögum að því hvernig hægt væri að beita Rússland meiri þvingunum. Bætti hann við að ákvörðun um þær yrði tekin á næstu dögum.

Tengdar fréttir

Úkraína

25 hið minnsta særðir eftir árás á íbúðablokk

• Úkraína geti tapað stríðinu með skyndilausnum
• Selenskí: N-Kórea heyir stríð í Evrópu
• Vonast til að glíma við Rússa og N-Kóreu með Trump
• Gerðu umfangsmikla drónaárás á Kænugarð

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Orð og efndir Evrópu í Úkraínu