Hafa áhyggjur af stærsta kjarnorkuveri Úkraínu
Setja bókamerki
Yfirmaður kjarnorkueftirlits Sameinuðu þjóðanna lýsti í gær miklum áhyggjum af því að innrásarher rússneskra hermanna væri að störfum nálægt stærsta kjarnorkuveri Úkraínu.
Rafael Grossi, forstjóri Alþjóðakjarnorkumálastofnunarinnar, sagðist hafa fengið fregnir af því að hermennirnir væru nálægt Saporisjsía-stöðinni í austurhluta Úkraínu.
Grossi sagði í yfirlýsingu sinni að það væri afar mikilvægt að kjarnorkuverunum væri ekki stefnt í hættu á nokkurn hátt.
Slys í kjarnorkuverum í Úkraínu geti haft alvarlegar afleiðingar fyrir lýðheilsu og umhverfið.
Ræða hættuna á fundi á morgun
Fundur hefur verið boðaður í höfuðstöðvum stofnunarinnar í Vín á morgun, til að ræða hættuna sem átökin hafa í för með sér fyrir kjarnorkuver Úkraínu.
Mesta kjarnorkuslys sögunnar átti sér stað í landinu, þann 26. apríl árið 1986 í Tsjernóbyl-kjarnorkuverinu.
Rússneskir hermenn náðu völdum við Saporisjsía á fimmtudag en að sögn Grossi er kjarnorkuverið örugg í augnablikinu. Rússneskir hermenn hafi til þessa ekki reynt að komast inn í stöðina.
Biden ávarpar Bandaríkjamenn eftir sigur Trumps
Tekur ekki undir orð Ragnars Þórs og Ásthildar Lóu
Appelsínugular og gular viðvaranir í dag
Selenskí: N-Kórea heyir stríð í Evrópu
Foreldrum sagt að heimanám væri verkfallsbrot
/frimg/1/16/10/1161072.jpg)
Ákærður fyrir líkamsárás sem leiddi til dauða
Ríkisstjórn Scholz sprungin