Selenskí fékk gervihnattasíma frá Bandaríkjunum
Setja bókamerki
Bandarísk stjórnvöld eru í stöðugu símasambandi við Volodimír Selenskí, forseta Úkraínu. Frá þessu greinir fréttamaður CNN sem sérhæfir sig í þjóðaröryggi.
Selenskí mun hafa fengið öruggan gervihnattasíma að gjöf í febrúarmánuði, áður en rússneski herinn réðst inn í Úkraínu.
Gerir síminn forsetanum kleift að vera í sambandi við Bandaríkin á meðan hann er á ferðinni.
Nokkur símtöl
Selenskí hefur nokkrum sinnum undanfarna daga greint frá símtölum sínum við Joe Biden forseta Bandaríkjanna.
Síðast nú í kvöld, er hann þakkaði fyrir stuðning Bidens og sagði að stöðva þyrfti Rússland eins fljótt og hægt er.
Forstjóri CIA flaug til Úkraínu í janúar
Áður hefur verið greint frá því að forstjóri bandarísku leyniþjónustunnar CIA, William J. Burns, flaug til Úkraínu í janúar, til fundar með Selenskí um vaxandi hættu sem þá þótti steðja að landinu af hálfu Rússlands.
Bandarískir embættismenn eru einnig sagðir hafa talað við Selenskí að undanförnu um ýmiss konar öryggisatriði, þar á meðal öruggustu staðina þar sem forsetinn gæti komið sér fyrir.
Biden ávarpar Bandaríkjamenn eftir sigur Trumps
„Það var ekki dæmt löglegt að mismuna börnum“
Vetrarblæðinga vart í Öxnadal
Foreldrum sagt að heimanám væri verkfallsbrot
Appelsínugular og gular viðvaranir í dag
Ekkert ferðaveður á Vestfjörðum og á Norðurlandi
/frimg/1/16/10/1161072.jpg)
Ákærður fyrir líkamsárás sem leiddi til dauða