Rússum verði vikið úr Interpol
Setja bókamerki
Þó nokkur vestræn ríki, þar á meðal Bretland og Bandaríkin, hafa krafist þess að alþjóðalögreglan, Interpol, reki Rússa úr samtökunum, að sögn breska innanríkisráðherrans Priti Patel.
Bretland, Bandaríkin, Kanada, Ástralía og Nýja-Sjáland hafa öll krafist „tafarlausrar lokunar á aðgangi Rússa að kerfum sínum“, tísti Patel í gær á Twitter.
Óskað var eftir ákvörðun framkvæmdastjórnar alþjóðalögreglunnar í málinu í þessari viku.
„Gjörðir Rússa eru bein ógn við öryggi almennings og alþjóðasamstarfs lögreglunnar,“ bætti Patel við.
Vestræn ríki hafa beitt Rússa refsiaðgerðum vegna innrásar þeirra í Úkraínu. Antony Blinken, utanríkisráðherra Bandaríkjanna, sagðist hafa séð „mjög áreiðanlegar fregnir“ um að Rússar hafi framið stríðsglæpi í innrásinni, sérstaklega varðandi meðferð á almennum borgurum.
Alls eru 194 þjóðir hluti af alþjóðalögreglunni og er hlutverk hennar að auðvelda samstarf gegn alþjóðlegum glæpum.
Frestar skerðingum fyrir norðan og austan
Greiningarmiðstöð hluti af 13 landamæraaðgerðum
Unnu eftir kröfugerð sem lögð var fram í upphafi
110 milljónir í stöðu prófessors
Erfiðara fyrir flokka að segjast hlutlausir
Viðreisn í mikilli sókn
Óvissustig á mörgum vegum
