Mannréttindafulltrúi Sameinuðu þjóðanna hefur fordæmt aftöku 81 manneskju á einum og sama deginum í Sádi-Arabíu.
Hún hvetur konungsdæmið jafnframt til að hætta að beita dauðarefsingum.
„Ég fordæmi fjöldaaftöku 81 manneskju sem var sökuð um tengsl við hryðjuverk í Sádi-Arabíu á laugardaginn,“ sagði Michelle Bachelet, mannréttindafulltrúi Sameinuðu þjóðanna, í yfirlýsingu.
73 þeirra sem voru teknir af lífi voru ríkisborgarar Sádi-Arabíu, sjö voru Jemenar og einn var sýrlenskur ríkisborgari.