Volodimír Selenskí, forseti Úkraínu, sagði Úkraínumenn ekki eingöngu vera að verja sitt land fyrir innrás Rússa heldur væru þeir að verja gildi Evrópu og alls heimsins.

Þetta kom fram þar sem Selenskí ávarpaði bandaríska þingið í morgun.

Úkraínski forsetinn vísaði til árásarinnar á Pearl Harbor í seinni heimsstyrjöldinni og árásarinnar á Tvíburaturnana í New York 11. september árið 2001. 

Ítrekaði óskir um flugbann

Hann sýndi þingmönnunum myndskeið þar sem sjá má eyðilegginguna í Úkraínu og óskaði eftir því að Bandaríkin og NATO kæmu á flugbanni í lofthelgi Úkraínu sem þar með myndu stöðva loftárásir Rússa.

Hann beindi orðum sínum til Joe Biden Bandaríkjaforseta og hvatti hann til að vera leiðtoga friðar í heiminum. Selenskí sagði að hann sæi engan tilgang með lífinu ef hann gæti ekki komið í veg fyrir frekari dauðsföll barna frá Úkraínu.

„Biden forseti, þú ert leiðtogi þinnar þjóðar. Ég vona að þú verðir leiðtogi heimsins en með því verður þú leiðtogi friðar,“ sagði Selenskí.

Tengdar fréttir

Úkraína

Fimmtán ára fangelsi fyrir að aðstoða Rússa

• Fagnar sigri Sandu og vill sameinaða Evrópu
• Sigur Trumps neyði Evrópu til að breyta um stefnu
• Standa með Rússum þar til sigur vinnst
• Vísindamaður grunaður um að aðstoða Rússa

» Fleiri tengdar fréttir

• 1 blogg um fréttina

Bloggað um fréttina

• Torfi Kristján Stefánsson: Þvílík hræsni!