Tsjúbaís hefur yfirgefið Kreml og Rússland

Rússneski embættismaðurinn Anatólí Tsjúbaís hefur látið af embætti og yfirgefið landið vegna andstöðu sinnar við innrás Pútíns í Úkraínu. Hann hefur um árabil verið háttsettur í Kreml.

Hann gegndi stöðu loftslagsfulltrúa í Kreml en hafði áður gegnt æðstu störfum hjá mörgum stórum fyrirtækjum ríkisins. 

Frá þessu greindi Bloomberg fréttaveitan fyrr í dag en Tsjúbaís tilkynnti afsögn sína í bréfi til samstarfsmanna í gær.

Tsjúbaís er æðsti embættismaðurinn sem hefur látið af störfum í Kreml frá því að innrásin í Úkraínu hófst.

• 1 blogg um fréttina

Bloggað um fréttina

• Ómar Ragnarsson: Mánaðar gömul stríð komin mislangt á veg.