Karl Nehammer, kanslari Austurríkis mun ganga til fundar við Vladimír Pútín, forseta Rússlands í Moskvu, mánudaginn 11.apríl. 

Nehammer fundaði með Volodimír Selenskí, forseta Úkraínu, í gær. Þá heimsótti hann einnig Bútsja með forsetanum og verður sú heimsókn því fersk í minni hans á fundinum með Pútín.

Að loknum fundi leiðtoganna tveggja tilkynnti Selenskí að Austurríki stæði við bakið á Úkraínumönnum og að heimsókn kanslarans hafi verið mikilvæg og táknræn staðfesting á því.

Hér má sjá þá Nehammer og Selenskí takast í hendur í Úkraínu í gær. AFP

Hvetja til viðræðna

Talsmaður Nehammer segir að kanslarinn hafi upplýst Selenskí og yfirvöld í Berlín og Brussel, um fyrirhugaðan fund við Pútín. Markmið fundarins sé að hvetja Rússa til viðræðna en rússneskir og úkraínskir samningsgerðarmenn hittust síðast þann 29. mars.

Kanslarinn er fyrsti leiðtoginn úr Evrópusambandinu til þess að hitta Pútín síðan Rússar gerðu innrás í Úkraínu þann 24. febrúar. 

Tengdar fréttir

Úkraína

Ísland mun styðja við uppbyggingu í lok stríðs

• Pútín tilbúinn í viðræður við Trump
• Þakkaði Íslandi mörg hundruð milljóna stuðning
• Tóku bæ á stærð við Reykjanesbæ á sitt vald
• Hótar að minnka aðstoð við Úkraínumenn

» Fleiri tengdar fréttir

Rússland

Pútín tilbúinn í viðræður við Trump

• Skipuleggja fund: „Hann vill hittast“
• Tóku bæ á stærð við Reykjanesbæ á sitt vald
• Ungmenni handtekin fyrir að undirbúa hryðjuverk
• Fimmtán ára fangelsi fyrir að aðstoða Rússa

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Þýskir rjúfa einangrun Pútín