Sviðsetti eigið mannrán og laug að yfirvöldum
Setja bókamerki
Kona í Kaliforníu-ríki í Bandaríkjunum hefur játað að hafa sviðsett eigið mannrán og logið að yfirvöldum árið 2016.
Sherri Papini hafði verið saknað í þrjár vikur þegar hún fannst á vegkanti í um tveggja klukkustunda akstursfjarlægð frá heimili sínu.
Papini sagði lögreglu að hún hefði verið skilin eftir í vegkantinum af ungri konu af rómönskum uppruna. Sú hafi verið ein þeirra sem héldu henni fanginni.
Eiginmaður hennar, Keith, tilkynnti hvarf hennar 2. nóvember eftir að hún hafði ekki sótt börn þeirra í leikskólann.
Er Papini fannst þremur vikum síðar var hún var mjög lerkuð og með töluverða áverka. Eins var hún bundin á höndum og fótum. Að sögn lögreglu hafði sítt ljóst hár hennar verið klippt af og hún verið brennimerkt.
Var hjá fyrrverandi kærastanum
BBC greinir frá því að bandaríska alríkislögreglan (FBI) hafi komist að þeirri niðurstöðu í mars á þessu ári að Papini hefði dvalið heima hjá fyrrverandi kærastanum sínum í þessar þrjár vikur og veitt sjálfri sér áverkana.
Enn er óvíst af hverju Papini sviðsetti glæpinn. Í dómssal sagðist hún þó vera „mjög sorgmædd“ yfir málinu.
Þá sagði FBI að Papini væri þekkt fyrir að ljúga til þess að fá athygli. Lögmaður hennar segir hana glíma við andleg veikindi.
Þar sem Papini játaði sekt samþykktu saksóknarar að mæla með átta til 14 mánaða fangelsisvist.
Hefði hún ekki játað hefði Papini getað átt yfir höfði sér 25 ár í fangelsi og þurft að greiða 300 þúsund dollara, eða um 39 milljónir íslenskra króna, í skaðabætur.
Ók á hóp fólks á jólamarkaði: Einn látinn
Fyrsti blaðamannafundurinn í heild sinni
Funda með þingflokkum
Var engin kristnitaka árið 1000?
Bjarni: „Útilokað að þetta geti gengið upp“
„Þetta er ríkisstjórn almannahagsmuna“
„Mér finnst gamla Samfylkingin komin aftur“
„Tímabil aukinnar eldvirkni“
