Rússar rufu lofthelgi Finna

Rússnesk herþyrla rauf finnska lofthelgi í morgun samkvæmt finnska varnarmálaráðuneytinu.

Upplýsingafulltrúi ráðuneytisins tjáði AFP að þyrlan væri af gerðinni Mi-17 og hafi farið fjóra til fimm kílómetra inn í finnska lofthelgi.

Er þetta í annað skiptið sem Rússar fljúga óboðnir inn í lofthelgi Finna á þessu ári en í báðum tilfellum hefur það gerst eftir að innrásin í Úkraínu hófst.

Finnar velta nú fyrir sér að ganga í NATO en eftir að stríðið braust út í Úkraínu hefur stuðningur almennings í Finnlandi við aðild að NATO aukist umtalsvert. Sérfræðingar í alþjóðastjórnmálum hafa lýst þeirri skoðun sinni að Rússar muni hafa afskipti af því með einhverjum hætti ef Finnland sækir um aðild að NATO.

Frétt af mbl.is

Rússar flugu með kjarnavopn yfir Svíþjóð

• 1 blogg um fréttina

Bloggað um fréttina

• Ómar Ragnarsson: Beinar hótanir Rússa um nýtt og grjóthart kalt stríð.